Դեկտեմբերի 2-ին Միգրացիոն գործակալությունում տեղի ունեցավ հանդիպում Լեհաստանի ներքին գործերի և կառավարման նախարարության միգրացիոն քաղաքականության վարչության և «Օկալենիե» հասարակական կազմակերպության ներկայացուցիչների հետ: Հանդիպմանը մասնակցում էին ՀՀ արտաքին գործերի. Աշխատանքի և սոցիալական ապահովության, Քաղաքաշինության նախարարությունների, Ոստիկանության և Միգրացիոն գործակալության ներկայացուցիչները:
Լեհական պատվիրակության այցելության հիմնական նպատակը փախստականների հարցերին առնչվող ՀՀ կառույցների հետ փորձի փոխանակումն է, ինչպես նաև հնարավոր համագործակցության հաստատումը։
Լեհական կողմը ներկայացրեց պետական և հասարակական կառույցների կողմից փախստականների և միգրանտների ինտեգրման ուղղությամբ տարվող քաղաքականությունը և իրականացվող ծրագրերը, ինչպես նաև 2009թ.-ի ամռանը հայաստանցի և ադրբեջանցի երեխաների համար Լեհաստանում կազմակերպված ամառային ճամբարի արդյունքները: Իր հերթին Միգրացիոն գործակալության պետ Գ. Եգանյանը անդրադարձավ ՀՀ միգրացիոն քաղաքականությանը և փախստականների ինտեգրմանն ուղղված հարցերին։
Հանդիպման ընթացքում քննարկվեցին նաև հետագա համագործակցության մի քանի ուղղություններ, մասնավորապես՝ փորձի փոխանակման նպատակով ուսումնական այցելության կազմակերպում, անօրինական միգրացիայի կանխարգելման նպատակով ռեադմիսիոն համաձայնագրի կնքում, ինչպես նաև հետագայում կրկին փախստական երեխաների համար համատեղ ճամբարների կազմակերպում։